يوميات واحدة مكسورة محصورة 

وانا قاعدة في البيت بعد ما عدى 80 يوم على قعدتي قررت اخرج شوية حكم على ال blog  بتاعي و لو ان محدش دلوقتي بيستعمله بس قلت بدل ما اتهور و اعمل live على ال tik tok او سترياك على سناب شات...

هو انا حقيقى قعدت الايام دى مكسورة الركبة و محصورة الحركة بس ربنا اراد اني اقعد اجبارى و من اول الصيف عشان اعرف و اتعلم ..عرفت عالم اليوتيوب و باقى الابلكشين و المنصات و اتعلمت شوية من ال GEN Z لأ هو انا اتعلمت كتير الحقيقة منهم ...الجيل ده طالع وهو عارف هيعمل ايه كويس اوي مش زي حالاتي يوم ما قررت انزل بعد الشغل و اروح a socialize و اكبر دايرة مصادرى روحت عملت حادثة دراما اكشن اثارة ...حادثة كومبو 2 في 1 تيلفوني اتسرق و عربيتي اتدشدشت و رجلى اتكسرت ...حاجة كده وان مان شو انا الضحية و المتهم فيها ماشاء الله عليا ...

الحمدلله اني مخلتهاش نهايو مفتوحه و الموضوع خلص على الخساير دي بس لكن بسبب الحادثة دي العالم بتاعي اتغير تماما ...قعدت في البيت و نزولى على قد دكتور و مستشفى و بس ..قاعدة البيت مش جديدة على لكن الانحصار و الرقدة هى اللى طولت معايا اوي و عشان محسش اوي دخلت عالم اليوتيوب و فجئت بال GEN Z و امنت اني ساذجة و ناقصة خبرة و الدليل اني بتفرج على عيال نص عمرى و مشاهير جدا بسبب اللاشئ او الصفر محتوي اللى بيقدموه و اكتشفت انا الموضوع ده منتشر في دول كتير جدا و الحقيقة انبهرت بالشطارة و العوالم اللى اكتشفتها يعني بتوع اليوتيوب بيبنوا الماتريال بتاعهم على بتوع التيكتوك و بتوع التيكتكوت زهقوا و دخلوا على سناب شات و الحياة كلها بقت على الموبايل ...

و فعلا انا قعدت ال 80 يوم و لسه مستمرة في القعده الله اعلم لحد امتي و لاقيت ان حياتي كلها بقت اونلاين يعني بتفرج على كل المسلسلات و الترندات و سمعت مزيكا و ميكسات مختلفة و بقضى كل طلبات البيت من طلبات و حتي اكتشفت اني اقدر اصلح و اطلب خدمات و لبس و ادوية و كل حاجه ...

اكتشفت ان العلاقات بقت stages و ان الطبيعي ان كل واحد اشتهر على السوشيال ميديا لازم يكون اتجوز او متجوز او هيتجوز و شريكه او شريكته لازم برده يظهر على السوشيال ميديا و يتشهر برضاه او غصب عنه ..

اكتشفت ان مصر فيها جيل كامل كلهم ستاند اب كوميديان ماشاءالله مواليد التسعينيات و الالفينيات ...

اكتشفت ان عمر ال 30 ده هو سن المعاشات عند الجيل الجديد ماشاء الله ..أغاني ايهاب توفيق و حميد الشاعرى و مصطفى قمر بتاعت التسعينيات دى بالنسبة للجيل ده هى اغاني الزمن الجميل ...فوجئت ان فيه ناس بتعمل جروبات موساة و مشاركة احزان و بتطلع لايف بالجروبات دي بس دول اغلبهم من حاملى شهادة يدوب بنفك الخط يعني دي الجروب ثيربى بتاعتهم بس اونلاين ...

الكسر و الانحصار ده علمني كتير اكتر من اللى اتعلمته طول حياتي و انا عامله اطنطت يمين شمال و بحاول احلق على شغلى و على مسئولياتي و دنيتي اللى كانت محصورة بين شغلى اللى لازم ابقى فيه من الالف للياء زى ما عزدتهم و بين اجيب طلبات البيت و اراعي ماما و اصلح المرحومة خوخة (عربيتي) و اخد بالى من قططي ..الحقيقة أما وقعت و قعدت اجبار مش اختيار اكتشفت انى محتاجه السند و محتاجه الصحبة و محتاجه حد يشيل عني لاقتيني بطلب و اتمني اى مساعدة من اى حد عشان اقدر اتحرك ...عايشه بعكاز و بتحرك ولا كأننى عندى 80 سنة حسيت بكل الشكاوى اللى ماما بتشتكيها بقى لها سنين و حسيت بتعبها من كتر الادوية و حسيت بمدى ضيقتها من قلة الحركة و ان اقل حركة بتتعبها ...

ربنا اراد لني اخد اختبارات انا عمرى متخيلتها في الوقت ده من عمرى اللى هو ربيع العمر و مرحلة الاستقرار النفسى و المادي على الاقل ...اكتشفت ان الناس بتحب تساعد بس احنا نديهم فرصة و نشاورلهم على المساعدة 

و الحمد الله و انا براجع التاريخ بتاع الحادثة عشان اعرف انا قضيت كام يوم حابسه اكتشفت اني فارقه مع ناس كتير اوي و منهم ناس مشوفنيش على الحقيقة و كان كل التعامل بينا تيلفون او مسج ...

حبيت ربنا أكتر عشان رحيم بيا و بلطفه و كرمه انا قاعدة دلوقتي بكتب و افضفض و اعد نعمه و اشكره و احمده عليها و اراجع حساباتي فى تصرفاتي عشان بعد اللى شفته حسيت اني ناقة خبرات كتير اوي و ان سهل يضحك عليا بكلمتين ...

مش قادرة اقول اني اتغيرت تماما بس عارفه اني مش هاخد حاجه على اعصابى و نش هاعمل فيها احمد السقا او فان ديزل تاني و هاصيب قضاء ربنا و قدره يتم عشان هو ربنا وحده ليعلم انا اقدر على ايه و ما اقدرش على ايه ...

الحمدلله

كتالوج الحياة 

' الصراحة مش بس فتغسلك  من جواك و تحس انه هم و انزاح ...الصراحة بتعلى و تنقل فى حته  تانية احلى و بتديك كوالتي بتعملك الف الف حساب...

القاعدة : كن مقدام زى الغراب ...صربح مع نفسك و بالتبعية مع كل دايرتك 

النتيجة: شلت جزء من عليك اسمه الضغط النفسي...هتلاقى نفسك شخصية اكثر جرأه وصدق ومصداقية وحب أقوى من كل فئات مجتمعك...

استنوني  كل يوم الفجر فى قاعدة مهم من قواعد الحياة و كل يوم هيبقى معانا كبسولة

يومكم لذيذ 🫶🏻

حب نفسك هتلاقى اللى يحبك

طول عمرى وزنى زيادة و طول عمرى بحب الأكل  اكتر من اى حاجه... هو بالنسبة لى نعمة و متعة و فسحة و حاجة كده مينفعش العيشة من غيرها....دايما بقى كنت باسمع تعليقات  على شكلى على وزنى على اكلى ...و طبعا كانت بتدخل فى حيز التنمر و التجريح ...معنديش مشكلة فى كل الكلام ده و من صغرى عرفت اتعامل مع اى تعليق على شكلى ووزنى و متعاملة وزى الفل...اللى عمرى مافهمته بقى وقتها ان بعد كل تعليق على وزنى و شكلى  الاقى الجملة دي انتى جميلة بسلازم تحبى نفسك ...على فكرة انتى لو خستي هتبقى مزة بس لازم تحبى نفسك ...على فكرة اما تخسى كل مشاكلك هتتحل و هتحبى نفسك....

انا وقتها مكنتش برد بصراحة بس جوه دماعى كنت بقول هى الناس دي مجنونة ما انا اكيد بحب نفسى هما 

فاكرين اني بقطع شيرياني ولا ايه انا مش فاهمة ايه حبى نفسك دي انا بتريق على جسمي عشان محدش يتريق و يجرح مشاعرى هى الناس دي اغبية....

الحقيقة ان بعد سنين طويلة خسيت و شكلى اتغير بالفعل بس لسه زي ما انا متجوزتش عشان واضح ان الوزن و الشكل مش المشكلة...المهم اني بعد ما خسيت و بعد ما مرضت و خفيت و بعد ما لفيت و غيرت فى حياتي حاجات كتير منها ستايل لبسى مثلا الواني روتين يومي و حنى اسلوب تعاملاتي مع الناس كلها اكتشفت معنى جملة حبى نفسك ...

انا فعلا كنت بحب نفسى بس نفسى اللى كنت بشوفها من برة يعني انى واحدة فى سن صغير دخلت الميديا من غير واسطة ولا تنازلات غير اخلاقية و عملت اسم و سمعة زي الفل بس كنت مهملة فى صحتى مهملة فى وقتي الشخصي مهملة فى هواياتي شغلى واخد كل حياتي مهملة فى  حاجات كتير خلت الناس كلها   

انتى مش متجوزة لحد دلوقتى

انتى ليه مش متجوزة لحد دلوقتى؟؟!!

انتى ليه مش متجوزة ؟

انت بجد مش متجوزة؟

انت اتجوزتى قبل كده؟

سؤال باسمعه اكتر من النفس اللى باخده فى اليوم ....سؤال كان مقتصر الاول على الجنس الخشن حاليا داخل فيه كل المخلوقات ...جنس ناعم ..جنس خشن...جنس تالت..اه والله حتى الجنس التالت بيسألنى و بكل بجاحة يقولى ليه...كل الأعمار بتسألنى آخرهم شاب عنده ٢٠ سنة و سالنى زى الراجل اللى من عمرى او اللى عينه منى...

انا فاضل الحيوانات تسألنى نفس السؤال...

بس تعالوا كده نسمع حوار خلقته فى عقلى الباطن بينى و بين اول راجل هيسألنى السؤال ده...

هو: متجوزة؟

انا: لأ 

هو: مطلقة 

انا: لأ 

هو: كنتى مخطوبة ومحصلش نصيب 

انا: لأ 

هو: اه رافضه الجواز 

انا: لأ 

هو: بترفضى العرسان اكيد اتقدملك ناس 

انا: اطفحهم لو شفتهم اصلا ...لأ ولا عمر حد قرب لى 

هو: بتاعت شغلك و بس 

انا: لأ ...عندى شغلى و عندى حياتى اللى ممكن أعيشها عادى 

هو: متنكة و حاطة شروط صعبة 

انا: والله حطيت من سنتين شرطين بينى و بين نفسي و منزلتش بيهم إعلان ...قلت عايزة واحد بيصلى و مش بتاع سيجارة وكأس

هو: بتطلبى المستحيل يعنى

انا: متطلبتش اصلا 

هو: هو ايه مافيش رجالة ولا الرجالة اتهمت

انا: والله حضرتك لو بتقابل رجاله اسألهم

هو: عندك حق الرجالة ماتت فى الحرب 

انا: طب ممكن اسألك سؤال انت متجوز

هو: اه 

انا: ليه 

هو عشان دي سنة الحياة 

انا: ليه

هو: عشان اعمل بيت ويبقى عندى ولاد و استقر

انا: ليه 

هو: عشان عندى مطالب و احتياجات

انا: طب لو مكنتش لاقيت حد تتجوزه كنت هتعمل ايه

هو: مافيش حاجة اسمها ملاقتيش لو انا مش لاقى او مش فاضي اهلى هيدوروا اصحابى هيرضوا ...سهلة

انا: طب لو ملاقتيش حد مناسب او عجباك هتعمل ايه 

هو: هاشوف فى اى مكان و الاجانب بيعشقوا الراجل المصرى انا ممكن اطلبها بالتليفون عمرها ما كانت أزمة...

انا: هى دي الأزمة ...ازمة واحدة زيي لو محدش طلبها او رشحها مش من حقها تدور وتتصرف ولو لجأت لأى وسيلة غير التقليدية هيتقال عليها احلى كلام مش بس من القريبين ...ده من القريبين و الغرب و الراجل اللى هيقع فى قرعتها و المجتمع والناس وبرامج المرأة ووائل الابراشى ...

ارحمو من لم تأتى محطاتها بعد ...ربما غير مقدر لها الانتقال حاليا بلا أسباب معلومة...

اما انا اصلا ساكتة و عاملة نفسي نايمة انتو مهتمين ليه. ..عندك عريس هاتو و 

عقدة الخواجة

أيوه عقدة الخواجة...الخواجه ده بقى كل اللي مش بيتكلم مصري على فكرة مش بس الاجانب...كل من خارج حدود البلاد بقى عملنا عقدة...عقدة في اعجابنا الشديد لعاداتهم و تقاليدهم و تصرفاتهم و قواعدهم و في نفس الوقت انتقادا الشديد نفس الحاجات اللي عجبتنا...

امتى بيعجبونا ..

أما نيجي نتكلم عن الجواز الرجالة طبعا معجبين عشان الجواز سهل و بسيط و مافيش فيه كلاكيع و لا مصاريف كتير 

لكن امتى بننتقد أما تيجي الست  تقوله مثلا حبيني زي مهند التركي أو كريم بتاع فاطمة أو أي جثة أمريكاني شفتها في الافلام يقولها ده تمثيل و لما تبقي انتي اصلا نور أو فاطمة أو جنيفر لوبيز 

اللذيذ في الموضوع إن اللي بينتقد عادة عنده اسطوانه واحدة الاجانب باردين و معندهمش نخوة و لا رجولة ...

عارف النقد ده ليه عشان الاجانبي بيسيب مراته أو حبيبته أو بنته تلبس اللي يرحها سواء كان موضة أو لأ و عشان كمان بيسبها تسلم على الرجالة زي ما بتسلم على الستات بتبوس و تحضن و عشان فيه في بلاد معينة ناس بتحاسب على اللي بتاخده و بتطلب على قد ما تحتاج من منطلق العملية و إن الواحد لو مش معاه مش هيتفشخر على الفاضي 

إنما تعالي يا برنس انت وهو نشوف الواقع ...الواقع إنك بتريل قدام أي كتف ابيض اجنبي اللي بتشوف إنه عيب يظهر من بنت مصرية و بتبدأ تتخيل عنها حكايات كلها شمال ...الحقيقية إن اللي انتى شايفة مش راجل عشان سيبها بتبوس و تحضن هو أكتر منك رجولة عشان عمره ماشتمها و لا كان في مكان مثلا و مشي قبلها أو زقها في الزحمة أو أي تصرف من تصرفات قلة الذوق اللي 

بقت منتشرة ماشاءالله زي الانفلونزا كده

أه و بالنسبة لكل واحد يدفع لنفسه فحضرتك لا مؤاخذة بقت تخليها تدفع لنفسها و لنفسك و تسيبلك مصروف كمان عشان البنزين و السجاير يعني ماشاءالله عديت الخواجة بمراحل 

نيجي للتقيلة بقي الخواجة اللي ليل نهار شغالين بالنا بيه بيعدي ياخد الموزة حتى لو هيشوفها مرة واحدة من باب البيت أو بيتفق على مكان مناسب ليها و بعد الخروجة يوصلها لباب البيت 

حضرتك بيقت بتعمل ايه دلوقتي بقيت بتكسل تطلع بره باب البيت و لو الموزة عجباك و ميت عليها بتبقي عايز تشحطط اللي جابوها و اما بتفتح بقها و تقول تأخير بتعمل فيها توم كروز و بتجري تحلق لها بس عشان متهزهاش و تشوفها و غالبا بتقطع معها عشان توفر رسايل اللي هى اصلا ببلاش ده غير انك بتوفر مكالمات و ساعات بتبعت على الفيسبوك و مش بعيد تتكلم من عليه عشان ببلاش

 ...هو الخواجه قال كده !!!! ده انت تفوقت على الخواجة و علمت عليه و فزت بلقب خواجة الخواخة يا راجل أو ملك الخواجات 

ياريت يا ريس و برنسيسة قبل ما نبص للخواجات نبص لنفسنا  هما عملوا اللي نفسنا فيه فبلاش شغل عيني فيه و أقول ايخيه ده عشان مش هيودينا أي حته و هنفضل طول الوقت عندنا العقدة و طول الوقت بنحاول نكون زيهم مع ان احنا ممكن نكون احسن منهم ....

لو البرود شكله زي قصص الحب في الافلام الامريكاني أنا عايزة ابقي تلجه 

لو الرفق بالحيوان رفاهية أنا عايزه ابقي مرفهة 

لو التفاؤل خرافة أنا هاخرف ليل نهار 

لو التجربة جنان أن أم المجانين 

لو الرجالة كلهم شبهك قاعدين يربوا في شعر صدرهم و ينتقدو و يقولوا و ميعملوش أنا ممكن اربي شنبي و اقوم بدورك عادي جدا اصلك زي قلتك في حياتك قبل حياتي 

Good or God

 

is it Good or God....
when u quite a bad habit u always faced that kind of questions (why...how u will get amused then...how u will spend a night life...u miss a lot of fun...etc.)
and when ur answer if i quite it for God they kept urging trying to convince u that ur in the wrong track.....
but when say i quite for Good my own Good they will be like (oh..that's great.... wish we could do the same....ur a champ...etc..)
what is the difference between God and Good in a habit that was already bad wrong and not even a legal ....
and why it is so easy to gain a bad habit and kept for life and so hard even impossible to leave it and gain another good useful one..
why people care if its for God or Good ....
isn't God is Good and bring all what is beauty and good inside of use of even around us
so it is for God's Good at the end .....

قليل البخت

فعلا قليلة البخت و مبجيش إلا عند القرد بكل تفاصيله و اشمه يعني يوم ما اتكتب لي أعمل عملية هتغيير حياتي و تدخلني عالم جديد عليا كان المقابل اني ابقي من غير شغل ...قلت و ماله دي برضه صحتي و أهم و أهو ربنا عوضني بشغل تاتي صحيح بعيد كل البعد عن مجالي بس أهو رزق و اتكتب لي ...عملت العملية الحمدلله و اتستر بالشغلانة الجديدة و اللي كنت طايرة بيها اول شهر ايه الحلاوة دي ايه التقدير ده ايه الاستقرار ده و كمان لاب توب و كمان عقد لمدة سنة يا سلام الحمدلله قرار مناسب مع العملية ....لكن ليه نتنهنا هو شهر واحد و الشغلانة الجديدة بقت محتاجة مصاريف اكتر من مصاريف يومي و اللي داخل منها رايح علي عربية و دكاترة و علاج أه العملية نجحت و جابت نتيجة كويسة اوي كمان بس العين ماشاءالله إذا كانت عيني ولا عين غيري متتوصاش ركبتي مره كتفي مرة شعري بيقع اروح افتح المركز اللي شغالة فيه صباعي يتحشر في الحديد اعمل حادثة عربية اخد كدمة في رجلي شهر ....كلها ابتلاءات 
بس آخرهم اللي صعب شوية عليا أه ما هو أصل الشغلانة اللي انا كنت فيها كان كلها ستات و كل واحدة تدخل بتقول تعليق عينيك حلوة رموشك حلوة لون شعرك ماشاءالله أمورة كلام مش بسمعه من الرجالة بس معرفش انه هيجيب أجلي ...و جاب فعلا جاب صداع نصفي استمر اسبوعين قفل على عينيا اليمين و خلاني ماشوفوش و بدأت 2015 معاها طابور دكاترة و طرد من الشغلانة اللي هى  مش شغلانتي و اللي كنت قبلتها عشان أأمن نفسي ايوة طردوني عشان عيانة و عشان صحبي اللي هو جاب الشغلانة و كان طاير بيا و اللي نفسه هو اللي طردني شايف ان طريق كلامي خنقته و مش قادر يستحملها على اساس اني مراته ....
لا 2015 مكتفتش بكده بعد السحلة مع الدكاترة عشان نرجع النظر اللي راح و العين سليمة و جرعة الكورتيزون المكثفة قدرنا نوقف السوء بس معلجناش الدنيا و لا اتحسنت و طبعا ده في حد ذاته انجاز ...نيجي بقي على أهم مفاجاة و اللي رجعتني اكتب تاني بدل ما اتجنن كنت قلت بالغلط ان 2014 كانت حلوة معايا و قدمت لي كتير و هى فعلا قدمت لي كتير و كان فيها نقط تحول كتير اوي في حياتي و جات في آخر شهر فجأتني بإنسان دخل بس عشان يغير كل حاجة في دماغي فجأة يعني واحد ظهر يوم 28 ديسمبر فلسطني اصغر مني ب 7 سنين مثلا برج العذرا ظابط كل دي حاجات انا ببعد عنها أصلا طول الوقت عندي تحفظات عليها المهم لاقيته دخل الحياة بمنتهي الاحترام اللي في الدنيا قلت لأ مش شرط اكون صح جايز اكون غلط  ليه ل نقرب و نتعرف و اخدنا ايه يعني احنا من المصريين ماهما الرجالة في كل مكان فيهم الوحش و الحلو المهم يدخل مع مفاجأت 2015 انه يبان الحاجة الحلوة في وسط الضرب اللي من يوم 1-1 ده عشان يجي يوم 3-1 يفجاني بمشاعر ثبتتني و حسيت كاني فعلا في فيلم من الأفلام الهندي اللي انا مدمنها و يقول انه حبني و انه عارف ان دي حاجة مستحيلة عشان فلسطيني و ظابط و صغير و ان مدة تواجده في مصر 6 شهور بس 
كان عارف انه مستحيل بس كانت عنده الجراة انه يتكلم و يقول بصراحة و ده كمان عجبني أكتر و طبعا زي الهبلة قلت و ايه المشكلة حد عارف في ال6 شهور او بعدها ايه اللي ممكن يحصل مردتش صراحة بس كان واضح اني مش معترضة و بدأت العلاج و معاها المفروض قصة الحب اللي استمرت 5 أيام زي كورس الحقن لأن مع آخر حقنة حصل تحول رهيب و مش مفهوم هو شرح وجهة نظره و أنا احترمتها اوي أول ما قلها و احتراما له و لوجهة نظره و للموضوع ككل مش هكتبها بس هكتب اللي حصل لي من ساعتها يعني بعد ما كنت محترمها اوي و احترمته هو شخصيا بدأت الأفكار السودة تتنتط في دماغي ...
يعني هو أنا اللي جريت وراك هو انا اللي قلت لك تعالي و نبقي مع بعض هو الرجولة بتقول انك تسبيني و انا عيانة و من غير شغل و تختفتي هو انت كده كده ماشي كمان 6 شهور استعجلت ليه تمشي دلوقتي ....أنا مكنش لازم ابقي سهلة و اقبل اي حاجة ....هى الرجالة كده مبتحبش غلا النكدية و يجروا و راها كمان انما اللي باين انها سهلة و الحياة بالنسبة لها lovely عادي تاخد فوق دماغها ....أنا مكنش لازم أما يقولي نبعد شوية مكنتش قولت براحتك كان لازم اعمل دراما و اطلع الاشكيف المخيف  ....طب كان لازم أعمل بلوك ....كان لازم و كان لازم و كان لازم ....
لأ هو ماكنش في اي حاجة لازم تتعمل غير اني قلت له براحتك انا مش هاجبرك على حاجة عشان انا مينفعش اجبر حد على حاجة هو اللي جه و هو اللي مشي يمكن كويس انه جه عشان يغير مسلمات في دماغي و كويس انه مشي يمكن قبل ما كان يحصل فعلا دارما انا مش قدها لا دلوقتي و لا بعدين  انا بس مش مصدقة ان يوم ما يجي حد يكون فلسطيني ...أصغر مني....ظابط....برج العذراء....وكمان مش عايش في البلد دي 
هل ممكن يكون في قلة بخت اكتر من كده