في ظل ظروف التحرش المكثفة الأيام دي اللي مش سايبة لا بشعر ولا محجبة و لا حتى منقبة ...ونظرا لحالة الهياج الطافح اللي اسابت الرجالة بجميع أعمارهم و مختلف مستوياتهم ....بقي الشغل الشاغل لكل أنثي برضو بمختلف مراحلها يعني سواء كانت بنت 9 سنين و لا ست 69 تلبس ايه و هى نازلة عشان متسمعش كلمتين يعصبوها و يعكننوا عليها لباقي اليوم ...
لأن للي متابع الرجالة مشاء الله مبيعدوش قطة إلا أما بيعلقوا عليها... يعني طب الحلوة و مفهوم و من حقهم ...إنما كمان الوحشة مبتسلمش ...
دمروا مبدأ المعاكسة اللطيف اللي مكانش حد بيمانع انه يتم في حدود اللاطفة و اللي كان بيتقابل عادة بدلع حتى لو ما فيش أي حاجة بتحصل في الاخر بس كتر خيره الجدع عرف يخلي الصبية تبتسم و تحس بنفسها ثواني ....
دلوقتي يا ماشاء الله حرب تقوم و عكننة و الرجل كمن مستعد للرد و مد الايد و إن كان عاجب ....لنا الله فعلا...
المهم قدرت بكل تواضع اتوصل للحل بس ياريت منبالغش فيها ....عشان منرجعش نشتكي ...
الحل بنطلون البيجاما ...أيوه بنطلون البيجاما و شبشب البيت و بلوزة أو تي شيرت أو توب سادة عليه ..
هو ده الزي المناسب اللي ممكن تمشي بيه في الشارع و تعدي كأنك هوا ....
هو ده الزي اللي قدر يتغلب على الحجاب و النقاب بجدارة و يبعد عني الانظار
هو ده الزي الطارد للتحرش بكل أنواعه ....
النجربة تم اختبارها مرتين خلال سنة بالظبط يعني سبحان الله زي دلوقتي نرلت أنا و بابا (ميدان الجيزة) و مادراك ما ميدان الجيزة ...المهم صعب تمشي بالعربية في ميدان زي ده و كنا محتاجين نشتري حاجة من مكان عشان نوصله ننركن بعيد و نمشي في ازحم حتة و تمت المغامرة بكل سلاسة الحمدلله و محدش رفع عينه عليا و مكنش السبب اني ماشية جنب بابا لأن مكناش مسكين ايد بعض يعني و مكنش باين انه ابويا ...
المهم انهاردة اضطرت انزل الشارع مرة تانية ببنطلون البيجامة بعد ما عدت سنة من التجربة الجريئة دي و فعلا بنطلون البيجاما الكارو القطن و شبشب البيت البنك الظريق و بلوزة سودة بتاعت خروج كده كتان حلوة و نزلت للميكانيكي عشان مش معايا تيلفونه و اللي انا اعرفه عيان و لازم اصلح العربية عشان عندي شغل و دخلت عليه بقلب جامد و شعري الاحمر الناري في عز الشمس و الشارع زحمة و بلغته طلباتي و اديت المهمة في كل سلاسة و يسر ومن غير ما اسمع أي نفس و كأن الشارع كان فاضي ....سبحان الله دي شعري لوحده كان منور و كان كفيل يلم السوكسه كله ....ماعلينا المهم اني توصلت لحل وهو بنطلون البجاما اللطيف لا هو ستان و لا محزء هو مجرد بنطلون قطن و شبشب و لمة شعر ...وعيش حياتك منطلقة تخلصي كل مشواريك اللي مضطرة تمشي فيها في الشارع في لمح البصر و بدون حرقة دم ....
No comments:
Post a Comment